Сиандағы қазақстандық хаб жұмысының қорытындысы

2023 жылдың мамырында Мемлекет басшысы Сианьдағы (Қытайдың солтүстік-батысындағы Шэньси провинциясы) терминалдың құрылысын бастады, ал 2024 жылдың ақпанында ол жұмыс істей бастады. Жаңа қазақстан-қытай терминалы іске қосылған күннен бастап айтарлықтай нәтижелер көрсетіп келеді. Оның ашылуының арқасында Қытайдан ТХКБ бойынша контейнерлік тасымалдау көлемі өткен жылы 33 есе өсті.

Сиань қаласы Қытайдың тораптық транзиттік орталығы, ал құрғақ порт бұл елдегі ең үлкені болып табылады. Мұнда ЕО бағытындағы контейнерлік пойыздардың 30 пайыздан астамы қалыптасады. Сианға ТМД елдерінен импорттың шамамен 40% - ы келеді.

Бүгінгі таңда терминалдың қуаты жылына 133000 ДФБ-ны құрайды. Өткен жылы аталған орталық арқылы транзиттік тасымалдау көлемі 276 000 тоннадан асты (23 мыңға жуық ЖФБ өңделді және жөнелтілді). Тек 2025 жылдың 4 айында 10 524 ДФБ (126 288 тонна) жөнелтілді және өңделді, ал 2030 жылға қарай жылына 83 мың ДФБ дейін жеткізу жоспарлануда.

Кешенді тәсіл тұтынушыларға жеткізуді жеңілдетеді және бірінші және соңғы миль технологияларын - есіктен есікке дейін қолдануға мүмкіндік береді. Жүк жөнелтушілердің негізгі серіктестері автомобильдердің және олардың құрамдас бөліктерінің ірі өндірушілері BYD, Geely, Chery, Hongqi, сондай-ақ электрондық техника мен жабдықтар, металл бұйымдары, құрама жүктерді жөнелтушілер болып табылады.